Privatlívspolitikkur

Hvørji vit eru

Keyp.fo, Keyp appin og Klikki eru tænastur, ið verða riknar av Keyp ÍVF, ið heldur til í Føroyum. Hesin politikkur er galdandi fyri allar tríggjar tænasturnar. Samband: keyp@keyp.fo

Hvat vit savna inn og hví

1. Dulnevnd greining av nýtslu

Vit brúka Google Analytics fyri at skilja, hvussu fólk brúka síðuna — men bert um tú hevur góðtikið hagtalsfarspor. Hetta savnar inn: Vitjaðar síður, tíð á síðuni, tól, kagi og staðseting (land). Vit skráseta eisini, hvørji bløð og hvørjir handlar verða vitjaðir, hvørjar vørur trýst verður á, hvussu langt niður eftir einum blaði tú kemur, og hvat leitað verður eftir í einum blaði. IP-adressan hjá tær verður duld — vit kunnu ikki eyðmerkja teg út frá hesum dátum.

2. Keyp konta og keypslistin

Stovnar tú eina kontu, goyma vit tína teldupostadressu og tað, sum tú leggur á keypslistan. Tú kanst eisini brúka keypslistan uttan kontu — tá verður listin goymdur dulnevnt, og eingin teldupostadressa verður skrásett. Deilir tú keypslistan við títt húski, síggja hini í húskinum tína teldupostadressu — og tú teirra.

3. Face ID, fingramerki og lyklar (passkeys)

Ritar tú inn við Face ID, fingramerki ella PIN, verður hetta gjørt við einum lykli (passkey), ið liggur á tínum egna tóli. Myndir av andliti ella fingramerki fara ongantíð frá tólinum og koma ongantíð til okkara — vit goyma bert ein almennan lykil, ið staðfestir, at tað er títt tól, ið ritar inn.

4. Myndir, tú tekur ella velur

Tekur tú eina mynd av eini vøru til keypslistan — við myndatólinum ella úr myndasavninum — verður myndin goymd hjá okkum. Ein slík mynd kann, eftir at vit hava eftirkannað hana, verða brúkt sum vørumynd, ið onnur, sum brúka Keyp, eisini síggja. Send okkum ein teldupost, um tú vilt hava eina mynd strikaða.

5. Fráboðanir í appini

Fráboðanir í Keyp appini krevja eina Keyp kontu. Sigur tú ja til fráboðanir, goyma vit tey val, tú hevur gjørt, á kontuni hjá tær: hvørjar handlar tú fylgir, og hvørji leitiorð tú vilt hava boð um — saman við einum tekniskum eyðmerki fyri hvørt tól, tú hevur ritað inn á, so fráboðanirnar kunnu sendast hagar. Hetta verður bert brúkt til at senda tær tær fráboðanir, tú sjálv/ur hevur biðið um. Handlarnir síggja bert, hvussu nógv fólk bíða eftir einum orði — ongantíð hvør. Tú kanst altíð strika handlar og leitiorð aftur í appini. Ritar tú út á einum tóli, verður tekniska eyðmerkið fyri tað tólið strikað, og strikar tú kontuna, verður alt hetta strikað.

6. Tey, ið tekna seg til tíðindabræv

Teknar tú teg til okkara tíðindabræv, goyma vit títt navn og teldupostadressu. Vit brúka bert hetta til at senda tær tíðindi frá Keyp.fo og Klikki. Tú kanst einahvørja tíð melda teg frá við at trýsta á leinkjuna, ið er í øllum teldupostum frá okkum.

7. Handilsleiðarar

Stovnar tú ein handil á Keyp.fo ella Klikki, goyma vit tína teldupostadressu og vinnuligu upplýsingarnar hjá handlinum. Bindur tú handilin saman við Shopify, WooCommerce ella aðrar tænastur, goyma vit teir lyklar, ið sambandið krevur — trygt og bert til hetta endamálið. Hesar dátur eru neyðugar fyri at veita tænastuna.

8. Dátur um nýtslu av bløðum

Vit skráseta dulnevnt, hvussu nógv fólk síggja eitt blað, og hvussu ofta trýst verður á vørur. Hesar dátur verða goymdar uttan navn, teldupostadressu og IP-adressu og kunnu ikki brúkast til at eyðmerkja einstakar brúkarar.

Keyp appin

Keyp appin biður bert um atgongd til myndatól og myndasavn, tá tú sjálv/ur velur at taka ella velja eina mynd — og til fráboðanir, um tú sigur ja til tær. Appin savnar einki inn uttan tína loyvisgeving, og tú kanst altíð taka loyvi aftur í stillingunum á tólinum.

Farspor

Vit brúka fýra sløg av farsporum, og tú velur sjálv/ur í farspor-stillingunum, hvat síðan má brúka:

Neyðug — krevjast fyri at síðan riggar, t.d. til innritan. Altíð til.
Hagtøl — Google Analytics, sí omanfyri. Bert við tínum samtykki.
Funktionell — minnast títt mál og tíni val, t.d. myrka støðu.
Marknaðarføring — innbygt video (YouTube). Sigur tú ja, kann YouTube seta egin farspor, tá eitt video verður spælt. Vit brúka ikki farspor til lýsingar.

Hvørjum deila vit dátur við?

Google (Firebase og Google Analytics) — dáturnar verða í høvuðsheitum goymdar í Evropa.
YouTube — bert um tú hevur góðtikið marknaðarføringsfarspor og spælir eitt video.
Apple og Google — fyri at flyta fráboðanir út til títt tól, um tú hevur sagt ja til tær.
Vit selja ongantíð dátur ella deila tær við triðpart til marknaðarføring.

Goymslutíð av dátum

Konta og keypslisti verða goymd, til tú strikar kontuna.
Deilir tú ein keypslista við leinkju, fer leinkjan sjálv úr gildi eftir 30 dagar.
Dátur hjá teimum, ið tekna seg til tíðindabrævið, verða goymdar, til tú meldar teg frá.
Hagtøl í Google Analytics verða strikað sjálvvirkandi eftir í mesta lagi 14 mánaðir.

Strika kontu og dátur

Tú kanst sjálv/ur strika tína Keyp kontu — og allar dátur, ið hoyra til hana:

Í Keyp appini: Meira → Strika kontu.
Á keyp.fo: trýst á kontumyndina ovast á síðuni og vel Strika kontu.

Kontan og dáturnar verða strikaðar beinanvegin. Sleppur tú ikki inn á kontuna, kanst tú senda ein teldupost til support@keyp.fo frá teirri teldupostadressu, ið Keyp kontan hjá tær brúkar — so strika vit alt innan 30 dagar.

Hetta verður strikað

Kontan og teldupostadressan hjá tær.
Keypslistin — bæði tað, sum stendur á listanum, og keypssøgan.
Vørumyndir, tú hevur tikið ella valt til keypslistan.
Vørur og myndir, tú hevur deilt við onnur, sum Keyp ikki hevur góðkent enn.
Tú verður tikin úr tí húski, tú deilir keypslista við.
Tekniska eyðmerkið fyri hvørt tól, tú hevur ritað inn á, og tey val, tú hevur gjørt um fráboðanir — hvørjar handlar tú fylgir, og hvørji leitiorð tú vilt hava boð um.

Hetta verður goymt

Einki, ið kann knýtast til teg. Eftir standa bert:

Vørur og myndir, tú hevur deilt, og sum Keyp hevur góðkent, standa eftir sum felags vørur hjá øllum, ið brúka Keyp — uttan at vera knýttar til teg.
Dulnevnd hagtøl í Google Analytics, ið verða strikað sjálvvirkandi eftir í mesta lagi 14 mánaðir.
Tøl um, hvussu nógv fólk ynskja eina vøru ella fylgja einum handli. Hesi tøl verða goymd uttan navn, teldupostadressu og IP-adressu og kunnu ikki knýtast til teg.

Strikar tú bert appina av tólinum, standa kontan og keypslistin framvegis. Ritar tú út í appini, verður tekniska eyðmerkið fyri tað tólið strikað. Vilt tú eisini hava kontuna strikaða, gert tú tað sum lýst omanfyri.

Tíni rættindi

Tú kanst altíð biðja um innlit í, rætting av ella strikan av tínum persónsupplýsingum við at senda ein teldupost til support@keyp.fo. Eftir at vit hava fingið eina umbøn um at strika teg, verða dáturnar strikaðar ella dulnevndar innan 30 dagar.